Бүгінгі күндері жаңа оқу жылына бүкіл мектептер қызу дайындыққа кіріскен. Бір ауылды жаңа білім ордасы қуантатын болса, енді бір ауылды заманауи құралдармен жабдықталған мектептер қуантпақ. Нақтырақ айтар болсақ 7 мыңнан астам мектеп есіктерін айқара ашып, 260 мың балғын бөбектер білім шаһарының табалдырығын аттамақ. Ендеше жер мен көкті қоңыраудың сыңғырлаған үні мен сәбилердің тәтті күлкісі бөлемек. Тағы айта кетер жайт 12 жылдық білім беру жүйесі үкімет отырыстарында талқыланып, ағылшын тілін бірінші сыныптан бастап оқыту керек деген шешім шығарды. Онымен қоса жоғары сыныптарға тағы да бірнеше пәндер енгізбек. "Елдің болашағы - жастар!" Жастар қашан да білімді болып, көштің алдында жүрулері керек.