Астана. 14 тамыз. Baq.kz – Қарағанды
қаласында қар жауды. Табиғаттың тосын мінезіне таң қалған тұрғындар,
жауынның соңы қарға ұласқанын айтады. Бірақ, олар тамызда жауған қардың
ақ емес, ерекше түске боялған түрі деп отыр.
Михаил Привалов, Журналист:
- Мен суретке түсіріп жүрдім. Көзге шағылысады. Бұл нақты қар, жаңбыр болған кезде шағылыспауы керек.
Михаил
Привалов кешкі сағат 10 шамасында балконға шығып, күннің ызғарлы екенін
байқайды. Оның айтуынша, қар бірнеше уақыт бойы үйлердің шатырларын
жауып тастаған. Ал, кейбіреулер әлеуметтік желілерде қардың алқызыл
түсті болғанын жазған. Қаланың өзге ауданындағы тұрғындар да қар
жауғанын көрген. Алайда, метрологтар ешқандай қар байқамадық дейді.
Олардың болжауынша, бұл жаңбыр, себебі +12 градуста қар жерге жетпей
еріп кетуі керек.
Ал, жергілікті "Экомұражайдың" директоры Дмитрий Калмыковтың айтуынша, бұл сирек болатын құбылыс.
Дмитрий Калмыков, «ЭкоМұражай» директоры:
-
Бұл табиғи құбылыс. Бірде-бір маман тайфун, нөсер немесе құйынды болжай
алмайды. Шөл даладан мың шақырым жерге сол шөлден шыққан құмды жел
апарып тастайтыны немесе гүлдің тозаңы 10-15 мың шақырымға жететіні
тарихтан белгілі.