Жалпы, бұл ауданда ерекше құбылыстар жиі бой көрсетуде. Мәселен, бұл өңірде қиярда немесе қозыда кездескен «Алла» жазуы жұртты елең еткізген. Ал ауданға қарасты Бәйгеқұм ауылындағы айдаһар тақiлеттес жануар, Бидайкөл елді мекеніндегі алма жемiсiнен бас көтере алмай тұрған ергежейлi ағаш көпшілікті таңғалдырып келеді.

Табиғат-ананың осындай таңғажайыптарына Шиелі кенті тұрғыны өсірген баклажандарды қосуға болады. Пiшiмi ерекше, салмағы 1-2 кг тартатын үш баклажанды ешбір жерден кездестіру мүмкін емес. Баклажандар үлкен табаққа әзер сыяды.