Главная » 2013 » Қазан » 30 » Шетелдік тауар өндірушілер отандық кәсіпкерлердің әрқайсысын 446 мың теңгеден айырды
20:24
Шетелдік тауар өндірушілер отандық кәсіпкерлердің әрқайсысын 446 мың теңгеден айырды
Астана.
30 қазан. Baq.kz - 2013 жылы шетелдік кәсіпкерлер мемлекеттік сатып
алу порталында тіркелген әрбір отандық тауар өндірушіні шамамен 446 мың
теңгеден айырды. Бұл туралы Baq.kz тілшісіне Электрондық коммерция
орталығының баспасөз қызметі хабарлады.
Мемлекеттік сатып алу
www.goszakup.gov.kz веб-порталында жыл басынан бері шетелдің өндіруші
компанияларымен мемлекеттік сатып алу бойынша 57,5 млрд. теңгенің
келісім-шарты жасалған. Бұл елімізде жоспарланған мемлекеттік сатып алу
қаражаттарының жалпы көлемінің 1%-ды құрайды. Егер веб-порталда 130
мың қазақстандық өндірішілер (жеке және заңды тұлғалар) тіркелді деп
есептесек, онда калькуляция әдісі бойынша шетелдің кәсіпкерлері ұтып
алған мемлекеттік сатып алудың сомасы әрбір жергілікті іскерді 446 000
теңге көлемінде мүмкін пайдадан айырды.
Жалпы,
порталда тіркелген 129 728 қазақстандық тауар өндірушілердің басым
бөлігі еліміздің Алматы (16 660), Астана (14 912), Шығыс Қазақстан (11
864) облыстарына тиесілі. Ал, ең төмен көрсеткіш 4 444 тауар өндіруші
Атырау облысының еншісінде.
