Оның бастапқы құны 1,2 миллион доллар. Алайда, сарапшылар аукцион кезінде оның бағасы екі еселенуі мүмкін дегенді айтып отыр.
Сырты алтынмен апталған Leica Luxus II фотокамерасы 1932 жылы небәрі 4 данамен шығарылған. Қалған үшеуінің қазір қайда екені белгісіз.
Сатылымға шығарылған осынау фотокамераның иесі былтыр қайтыс болған. Мұрагерлікпен ешкімге берілмегендіктен оны аукционға қою керек деп шешілді.
Айта кетейік, 2001 жылы Би-би-си эфирінен дәл осы алтын фотокамера көрсетілген болатын. Ол кезде сарапшылар жәдігердің құнын небәрі 8,1 мың АҚШ долларына бағалаған еді.

Baq.kz