Астана. 27 тамыз. Baq.kz- Кеше қарағандылық
«Шахтер» шотландық «Селтик» командасымен қарымта ойында кездесу үшін
Глазго қаласына табан тіреген болатын. Бүгінгі таңда қос команда
ойыншылары жауапты мачқа дайындықтарын пысықтау үстінде. Матч алдында
«Селтиктің» бас бапкері журналистермен жолығып, өз шәкірттерінің
«кеншілер» командасының қақпасына 3 гол соғуды мақсат тұтып отырғанын
жеткізді.
«Біздің
қарсыластарымыз өте азулы команда. Олар оңай шағылатын жаңғақ емес.
Алайда, Астанада кеткен есемізді қайтару үшін барымызды салып ойнаймыз.
Футболда 3 голдың орны айрықша. Егер қарсыластармыз біздің қақпамызға 2
гол соқса, біз 5 гол салуға тиіспіз»,-депті бас бапкер.
Егер
сіздің командаңыз «Шахтердан жеңіліс тапса, жұмыстан кетуіңіз мүмкін бе,
деген тілші сауалына Нил Леннон: «жоқ»,- деп қысқа қайырды деп жазады
«Спорт кз» сайты.
Сондай-ақ, «Селтиктің» бас жаттықтырушысы өз шәкірттерінің Шотландиядағы көшбасшы командалардың бірі екенін алға тартыпты.