Мемлекет басшысы Нұрсұлтан Назарбаев республикамыздың ресми атауы
Қазақ елі болып өзгеруі мүмкін екенін айтты. Бұл туралы ол Атырау
облысына жұмыс сапары барысында мәлімдеді, деп хабарлады Ақорданың
баспасөз қызметі.
«Біздің еліміздің атауында Орталық Азиядағы басқа мемлекеттердегі
сияқты «стан» деген қосымшасы бар. Шетелдіктер халқы небәрі екі миллион
адамды құрайтын Моңғолияның атауында «стан» қосымшасы жоқ екенін алға
тартады. Уақыт өте келе ел атауын «Қазақ елі» деп өзгерту мәселесін
қарастыру қажет шығар, бірақ мұны алдымен халықпен ақылдасқан жөн», -
деді Нұрсұлтан Назарбаев.
Мемлекет басшысы бірлік пен төзімділікті сақтай отырып, еліміз барлық
алға қойған мақсаттарына жететіндігін атап көрсетті. «Біздің
артықшылығымыз - көпұлысты халқымыздың әртүрлілігінде», - деді
Нұрсұлтан Назарбаев.
Жақсы болар еді. "Стан" - сөзі шын мәнінде орысшадан аударғанда тұрақ деген сөзге келеді, сонда Қазақстан сөзі жіктегенде қазақтарға бөлінген тұрақ сияқты естіледі. Ал енді Қазақ елі - деген, сол елдің,жердің дербес, жеке дара иесі, қожасы ҚАЗАҚ - деген халық екендігін айқындап тұрандай әсер етеді. Былайша айтқанда Қазақстан деген пәтер (бұрынғы КСРО деп аталған көп қабатты үйдегі) ал Қазақ елі деген жеке үй (дом) сияқты ғой. Ертерек болса екен.
