- Негізінен мұндай анықтама 2007 жылдары талап етілуі тиіс міндетті құжаттар санатында жататын. Яғни, автокөлікті рәсімдеу барысында оның иесінен сатып алу-сату шартын немесе осы есепті-анықтама сұралатын. Ал оны азаматтарымыз қандай да бір жекеменшік компаниялардың қызметіне жүгіну арқылы кемі бес мың теңгеден сатып алуға мәжбүр болатын. Ал әлгі компанияға тұтынушы өз атына аударып жатқан көлік бөлшектерінің бүтіндігін және тиісті талапқа сай, ресімдеуге лайықты әрі таза екендігін растау үшін жүгінетін. Ақиқатында, мұндай компаниялар өз кезегінде азаматтардан ақша алу мен бір жапырақ қағазды ұсынудан өзге қызмет ауқымын кеңейте алған жоқ. Көптеген және толассыз түскен арыз-шағымдар мен сансыз сауалдарға орай, тиісті мамандарымыз бұл мәселемен зерттеп, зерделей келе жоғарыдағыдай шешім қабылдады. Бүгінгі таңда бұл қадам өз нәтижесін көрсетуде, - дейді Елжан Қалиұлы.