Украинада жаппай әскери мобилизация басталды. Бұл туралы Украинаның ұлттық қауіпсіздік және қорғаныс жөніндегі кеңесінің хатшысы міндетін атқарушы, бұрынғы Евромайдан коменданты Андрей Парубийдің фейсбуктегі парағынан белгілі болды. 

Украинаның ұлттық қауіпсіздік және қорғаныс жөніндегі кеңесінің шешімі бойынша әскери мобилизация бүкіл елде жүріп жатыр. Бұл шешім 1 наурызда кешке кеңестің шұғыл шақырылған жиналысында қабылданды. Андрей Парубийдің айтуынша, оның көмекшісіне әскери комиссариаттан қоңырау шалынып, 8 наурызда таңертең жаппай мобилизация шеңберінде келу керектігі туралы бұйрық берілді.