Өзін Қазақстан мұсылмандары одағының жетекшісімін деп есептейтін Мұрат Телібеков ақырзаман туралы қате болжамдар айтқан балгерлерді жазалау керектігін айтты.

Бұл жайында Total.kz мәлімдеп отыр.

"Мұндай жорамалдар қоғамда әлеуметтік алауыздықты тудырып, тәртіпсіздіктерге алып келуі мүмкін. Тәртіп сақшылары балгерлерге алдымен ескерту жасау керек. Өйткені, экстрасенстер өзіне сеніп отырған адамдардың алдында айтқан әрбір сөзі үшін жауап беруі тиіс. Ақырзаман туралы жорамалдар мамандардың пікірімен айқындалып отыруы тиіс", -  деді Телібеков.

Естеріңізге салайық, жуырда Бақыт Жұматова есімді көріпкел БАҚ өкілдеріне берген сұхбатында "2018 жылы жер бетінде 1 миллиард адам қалады. Семейге Ресей жақтан келе жатқан бұлтты көріп тұрмын. Бір күнде бір қала түгелдей жойылып кетуі мүмкін. Ал, адамдарды жерлейтін ешкім қалмайды. Және мұндай жайттар бірнеше рет қайталанады. Мұның барлығы бұрын болған, тарих айналып қайта келіп жатыр" деген болатын.