Астана.
25 желтоқсан. Baq.kz – Солтүстік Корея көсемі Ким Чен Ын ел әскерін
соғысқа дайын болуға шақырды. Бұл жайында оңтүстіккореялық Yonhap
агенттігі хабарлады.
Ким Чен Ын кеше
Нампхо қаласында ұлттық әскермен кездесу барысында осылай деген. Ол
соғыстың ескертусіз-ақ басталып кететіндігін мәлімдеді. Сондықтан
жауынгерлер қашанда ұрысқа сақадай сай болып тұруы керек деді ол. Солтүстік
Кореяның көсемі бұған дейін де "ағайынды" екі ел арасында соғыстың
басталып кету қаупі басым екендігін бірнеше рет айтқан болатын. Тіпті,
20 желтоқсан күні Солтүстік Кореядан Сеулге жедел хат келген. Онда Ким
Чен Ынның оңтүстіктегі көршілеріне аяусыз соққы жасайтындығы жазылыпты.