Астана.
4 қаңтар. Baq.kz – Ғылыми жаңалықтың тиімділілігі сол ағзадағы зиянды
вирустар мен аллергияны емдеуге қауқарлы. Дәмі де табиғи ара балынан еш
кем түспейді. Темірлан алғашында жай ғана химияға деген қызығушылықпен
бастаған ғылыми жобасы мұншалықты жемісті болады деп ойламаған. Ол
жасанды жолмен бал алу үшін бір жыл еңбектенген.
Алдымен қантқа лимон
қышқылдары мен су қосып қоюланғанға дейін қайнатқан. Кейіннен зизифора
өсімдігінен алынған эфир майын араластырып көрген. Нәтижесінде дәмі
табиғи бал татитын өнім дайындалған. Тіпті, жас зерттеушінің қанатқақты
еңбегі оқушылар арасында өткізілген байқауда биылғы жылдың үздік ғылыми
жобасы атанып, арнайы марапатты да иеленді. Темірлан Нәби, 10сынып оқушысы:
- Мен мұндай жүлдені бірінші рет алып тұрмын. Болашақта ағаймен жұмыс істеп үлкен ғалым болу – менің мақсатым.
Ал
Темірланға бағыт-бағдар беріп, оның ғылыми жобасының тиімділігін
дәлелдеуге ұстазы көмектескен. Мамандар зерттеу кезінде жасанды жолмен
алынған балдың артықшылығына да көз жеткізіпті.
Ерлан Сүлеймен, ЕҰУ Қолданбалы химия институтының директоры:
-
Табиғи балдан кейбір адамдарда аллергия пайда болады. Ал біздің өнімнің
құрамында биологиялық белсенділігі жоғары заттар болмағандықтан,
аллергияға қарсы әсері болады. Екіншіден, біз зизифора өсімдігінен
алынған эфир майын қосып жатырмыз. Балдың тағы бір қасиеті суық тигенде
де дертке шипа. Ең бастысы өнімнің бағасы табиғи балдан арзан.
Авторлар: Назерке Әбдірахманқызы, Бауыржан Қадыржанов
Baq.kz
|