1. Жазсам ба, жаэбасам ба деп көп ойландым да, ақыры «кемедегінің жаны бір»- дегенді еске алып жазуға бел будым2. «Түйенің үлкені көпірден таяқ жейді»-деген мақал бастан кетпей отыр, мен таяқты 100 факттыдан жемесем болар еді.
3. Ал кеттім, нартәуекел…
4. Атым: Жақыпбек. Әкемнің аты: Жарылхасын.Шешемнің аты: Дәметкүл. Ал әжемнің, мен Апа деп атаушы өдім аты: Базаркүл.
5. Әкемде, Шешем де өте сауатты кісілер болды.
6. Өткен ғасырдың ортасынанаса Әулиеата өлкесінің Талас аймағында дүниеге
келдім. Жігіт шағымда:
" Үшарал, Талас өңірі туған жерім,
Ошақты, Аталығы менің өлім.
Сауықшыл сол елімнің арқасында,
Күнде той, күнде думан туған жерім"-деп келетін, домбырамен айтатын өлеңім бар еді,қазір ұмыта бастаппын.Ұмытпағанда ше, қазір бір қолтығымда 20- ғасыр, бір қолтығымда 21- ғасыр.
7. Мен дүниеге келгенде жанұямызда Әжем,Әкем, Шешем ғана бар екен, мен тұңғышымын дегенім ғой.
8. Менен кейін бұл отбасында бес ұл,үш қыз дүниеге келді.Демек 5 інім, 3 қарындасым бар.
9. Мені әжем бірден өз бауырына алып,өзіне еншіледі.
10. Әкем атадан жалғыздан жалғасып келе жатқан ұрпақ болғандықтан, әрі тұңғышы болғандықтан оған іні есебінде өстім.
11. Төрт жасымнан бері қарайғы барлық оқиғалар есімде.
12. Балалық шағым балдурен қызықпен өтті.
13. Әкем де, Шешем де балам деп маңдайымнан сүйіп көрген емес.
14. Керісінше Апамның бар ықыласы менің үстімде болды.
15. Бір үйде ұялы күшіктердей бірде таласып, бірде ауыз жаласып тоғыз бала өстік.
16. Сол күндерді сағынамын.
17. Мектепте, ауылда атақты бұзық болдым.
18. Бірде мұғалімдер бөлмесіне ешек қамап, «бұл жерде отырғандардың бәрі сенің коллегаларың»-деп жазып мойнына іліп кеткенім бар,өзім де таяқты жедім-ау.
19. Мектепте жақсы оқыдым, жанымды сол алып қалып жүрді.
20. Өнер деген көп болды, ән де салатынмын, үйірмелерден қалмайтынмын, Бірақ ең басты өнерім төбелес болды-ау деймін, үш жас жоғары,үш жас төмендердің бәрін дерлік сөйлетпедім-ау. Қатар түскендері болған шығар, асқандары анық жоқ.
21. Сөйтіп жүріп жігіттік дәуренге де жетіп қалғанымызды байқамапын.Бұл дәуренге өкпем жоқ, маған гүл боп келді, мен гүлдей қылып өткіздім. Тентектігім жанып тұрды, жиын-тойдың алдын бермедім, сұлу қарагер айғырым болды, көкпар шаптым, қысқасы жігіттіктен өз кезегінде ләззат таптым. Мен келе жатқанда қызы бар үйлердің бәрі есік терезелерін жауып алатын еді, бірақ қыздары бәрібір терезеден қашып шығатын.
22. Сөйтіп жүріп мектеп те бітті, мен Шымкент қалапсындағы энергия техникумға түстім (ЧЭТ) ол да бір қызықты өмір еді-ау.
23. Бұл техникумды бітірдім де іле-шала артынан Қаратау қаласындағы Тау-кен құрылысы технмкумына (КГСТ) сырттай оқуға түстім, оны да ойдағыдай бітірдім.
24. Ақыл тоқтатып, алды-артты бағдарлайтын, сабыр да керек екенін түсінетін шаққа келіп қалғанымды осы кезде аңғара бастадым-ау деймін.
25. Бұл кезде 23 жаста едім, қайран-ай десеңші.
26. Көңілден шықса қалғанын кейін жалғастырайын.
СадкоЭфЭмде оқып, бір мақтан тұттым, фактіңізге екі риза болдым… Жалғасын міндетті түрде! ©
Рахмет, Ағасы =)
Домбыраны қазір тартып жүрсіз бе? Байқаймын жоқ. Үйде кешкісін қол боста тартып отсаңыз болатын сияқты ғой. Мына жазған өміріңіз өте қызықты. Келесісін топырлаған айтаберліктер болып күтуміз :))
Жастық шағыңызда сері болыпсыз, міне нағыз қазақ!
))) Тентек болғаныңыздың ең үлкен дәлелі осы шығар!
Жастық шағыңыз жалындап тұр екен, жалғасын күтеміз.
кәнешнә, ағам түсінбейді
асыға күтеміз )