«6 наурыз күні Меңдіқара орталық аудандық ауруханасында уақытынан ерте туған нәрестенің денесін қорапқа орап, оны баланың анасына көмуге берген», - деді Қостанай облысының прокуроры М.Қайыбжанов. Алайда, бір сағаттан кейін баланың тірі екені анықталады. Оны әкесі байқап қалған. Сәбиді ауруханаға қайта алып келгенмен ол 3 күннен кейін көз жұмды», - деп атап өтті прокурор.
Бұған қатысты облыстың денсаулық сақтау басқармасы тарапынан қандай әрекеттер қолданылғаны туралы оның басшысы Орал Бекмағамбетов былай деді: «Осы жағдайды естіген бойы облыстық денсаулық сақтау басқармасында дереу комиссия құрылды. Олар оқиға орнына барып, мән-жайды анықтады. Сәйкесінше, тиісті жазалау шаралары қолданылып, медицина қызметкерлері жұмыстан босатылды».